Өөрийн эрхгүй энэ дуу аманд орж ирээд...

Хэд хоногын өмнө блогчидоосоо тусламж хүсээд "Ийм нэг санал байнааа" гэсэн бичлэг оруулж байсан юм. Банжиг маань баян юм болохоор дорхноо л энэ санал маань дэмжигдээд олон хүмүүс туслахаар болсон.

Олны хүч оломгүй далай гэдэг шиг энэ сайхан шүлгийг амь оруулахад хамгийн их тусалсан "Бондгор" блогын эзэн Мөөнөөдөө маш их баярлалаа. Мөөнөө маань банжигт блогтой болоод бараг нэг ч хоноогүй байгаа "Шинэ" хүн. Ийм сайхан сэтгэлтэй залуу эгнээнд маань элсэж байгаад талархаад баршгүй. Анх энэ саналыг дэмжиж туслахаа амлаад хэдхэн хоногын дараа жинхэнэ сюрприз барьсан хүн дээ. Огт санаанд ороогүй байж байтал нөгөө шүлгээ FM 100.9  хөтлөгч- редактор найзаа гуйж мэргэжлийн өндөр түвшинд бичүүлж өгсөн юм.

Шүлгийг уншсан Ари бүсгүй маань өөрөө Р-3 100.9 фм радионы хөтлөгч- редактор бүсгүй, найруулгыг харин 100.9 найруулагч хийж өгсөн гэсэн.Ариука маань энэ сэдвээр бас нэгэн нэвтрүүлэг хийх бодолтой байгаа. Уянгалаг яруу хоолойгоор хэн ч сонссон сэтгэл сэмэрмээр уншиж өгсөн Аридаа болон 100.9 фм радион хамт олонд маш их баярлалаа.

Шүлгийн ард талын фоны зургуудыг "Амьдрал, хайр, аз жаргал" блогын эзэгтэй хайртай найз Нини маань хийж өгсөн юм. Харин эздийх нь зөвшөөрөлгүй Google -ээс чирээд ирсэндээ жоохон санаа зовж л байна. Ойлгож өршөөнө үү.

Харин энэ бүгдийг youtube рүү чихэхэд манай инжэнер "Цахимж" блогын эзэн Лео маань тусалсан юм. Лео урьд нь Үлэмжбилгүүн хүүгийн хандивын бичлэгийг мөн удаа дараа явуулсан хандив, тусламжийн ажилд үргэлж идэвхтэй оролцдог ач буянтай нүүрэндээ галтай нүдэндээ цогтой гартаа дүйтэй тархиндаа ухаантай залуу даа хэхэ.

Мөн миний саналыг хамгийн түрүүн хүлээж авч дэмжиж гар бие оролцсон хүн бол Бялзуух.

Бязлуух маань жинхэнэ сэтгэлээсээ энэ шүлгийг уншиж блогтоо оруулсан байхыг нь олж уншаад ёстой нүдний нулимс гарахаа шахсан. Баярлалаа халуун сэтгэлтэй бүсгүй минь.

Энэхүү клипыг /манай уран бүтээлийн бригадыхан энийгээ клип гэж өргөмжлөөд байгаа хихи/ бүтээхэд гүн туслалцаа үзүүлсэн бүх найзууддаа баярлалаа. Нээрээ

Хүний сайхан сэтгэлийг хайрлаж яваарай гээд

Хүж дэлхийдээ би хүслээ шингээж дуулмаар байна

Ямар сайхан хүмүүсийг бурхан надад илгээснийг

Ялгуун сарны дор би үгээр хэлэхийн аргагүй ээ.