Хойд эцэг, хойд эх, дагавар хүүхэд энэ нэрсийг харж сонсох бүрд нэг тийм дарамттай эсвэл харгис ямар ч байсан таагүй мэдрэмж төрөөд байдаг юм. Дагавар хүүхдээ төрснөөс дутуугүй хайрлаж өсгөдөг хойд аав ээжүүд байдаг гэхдээ дийлэнх нь өнөө л муу нэрийг зүүдэг байх.

Өөрийхөө хийсэн алдааг үр хүүхэдтэйгээ хуваалцаж гэмгүй балчир үрсээ хойд эх, эцэгийн царайг харуулж харуулж байгаа хүмүүний тавиланг яалтай ч билээ.

Саяхан хүүхдийн хүмүүжлийн тухай  нэг ном уншиж байгаад энэ ард урд аав ээжүүдийн талаар арай өөр өнцөгөөс уншиж мэдсэндээ энд сийрүүлье гэж бодлоо.

Хүүхдийн сэтгэл хэдий чинээ гэнэн цайлган хирнээ, төдий чинээ өөнтөгч эмзэг байдаг. Тэхээр юм болгон дээр хойд эцэг эхийг дандаа буруутгадаг нь хэт өрөөсгөл юм шиг. Хүүхдүүд дэндүү ихийг хүсэн хүлээдэгт их явдал байдаг аж. Хойд эхтэй учирсан хүүхэд төрсөн эхийнхээ хайр халамжийг хүртээгүй байх нь элбэг.

Төрсөн эхээсээ эдлээгүй хайр халамжийг хойд эхээс хүсэн хүлээхдээ түүний хүн чанар, хүүхэд хүмүүжүүлэх арга эвээс давуу ихийг шаарддаг байна. Өөрийг нь хайрлан асарч, бусдаас өмөөрөн хамгаалах үүрэгтэй учирсан хойд эхийн үг хэл, үйлдэл хандлага бүгдийг хүүхэд нь байнга хянахдаа хөөрхий тэр эхээс өө сэв алдаа дутагдал хэзээд олж гомдож зэвүүцдэг.

Хүүхдийн өөнтөг, гомдохой тунирхуу зан нь хойд эхийг гомдож цөхрөхөд зайлшгүй түлхдэг. Гомдож цөхөрсөн тэр эмэгтэй нөхрийхөө дагавар хүүхдээс аажимдаа залхаж, тэдэнд хичнээн хайр халамжтай байх гээд бүтэхгүй, ямар нэгэн байдалаар хүйтэн хөндий ханддаг болдог юм байна.

Миний бодлоор хойд ээж, дагавар хүүхэд гэдэг нэрний "хойд", "дагавар" гэдэг үг болон ойлголтыг бүрмөсөн аваа хаячихмаар санагдаад байгаа юм. Зүгээр л "хойд ээж" биш "ээж" гээд л хандахад асуудал арай л зөөлрөх юм шиг. Хойд ээжүүд ч ялгаагүй нэгэнт дагавар хүүхэдтэй  хүнтэй сууж эхийх нь оронд ээж болохоор шийдсэн л бол хувь заяатайгаа эвлэрээд төрүүлсэн, төрүүлсэн биш гэж ялгаврлан гадуурхаж хандалгүйгээр цөхрөлтгүй хайрлаад байх юм бол аяндаа л таны төрсөн үрээс ялгаагүй болох байх. Хэлхэд ч амархан л даа. харин цаг дээрээ тулаад ирвэл яах бол?

Хэрвээ та хойд эцэг, хойд ээж болбол ямаршуу аав ээж байх бол...?