Уг нь тийм муухай үг биш л дээ. Манай авгай, тэрний авгай гэх утгаараа бол зүгээр л нэг үг. Харин зарим хүмүүс энэ үгийг доромжилсон өнгө аясаар их хэрэглэх юм. Балай авгай, тэнэг авгай, авгайчуул гэх мэтээр. Энэ тохиолдолд харин эвгүй үг болоод хувирчихаж байгаам.

Солонгос эмэгтэйчүүд нөхөрт гараа л бол "ажума" гэсэн нэр араасаа дагуулдаг. 20 настай байсан ч хамаагүй нөхөрт гарсан л бол ажума болно. Энд ажилдаг Монгол эмэгтэйчүүд ч бас ажума гэж хэлүүлэх их дургүй ээ . Нөгөө л тогтсон эвгүй нэршил шигээ хүлээж авдаг байх.

Би л хувьдаа эмэгтэй хүмүүсийг эхнэр, бүсгүй, эмэгтэй гэж нэрлэн хүүхэн, авгай гэдэг нэршлээс аль болохоор татгалздаг юм. Зүгээр л хэлхэд эсвэл сонсоход онцгүй санагдаад байдаг гэхүү дээ.

Хорвоогын жамаар л насыг эдэлж байгаагыхаа хувьд буруутан болоогүй л бол заавал нэг нэгнээ тэгж авгайлан дайрч доромжлох хэрэг байдаг ч юм уу үгүй ч юм уу бүү мэд. Залуу охидууд ялангуяа эгчмэд нэгнээ тэгж бахтай нь аргагүй авгайлан дуудахаар бас л сонин харагдаад байдаг юм. Өөрсдөө бас л авгай болох хүмүүс шүү дээ.  Ер нь л хүнийг насалсных нь хувьд хөгшин, зөнөг, авгай гэх мэтээр дайрах нь дэндүү бүдүүлэг санагдаад байдаг гэх үү дээ.

Хэхэ нээх гомдолсон оршил болчихлоо тээ. Уг нь би та нарт гоё юм үзүүлэх гээд чирээд ирсэн чинь авгай гэдэг үгэн дээр тулж ажиллаад баахан оршилдчихлоо.

Лас вегаст нэг ийм тэмцээн болжээ. "Miss over 50 years old contest "