Хүн байгаль хоёр хүйн холбоотой гэж яг үнэн байхаа. Одоо барагийн юм харж баясхаа ч больж. Юм үзэж нүд тайлсаар байгаад бүүр цочроо гарчихсан юм уу хаашаан. Харин байгаль дэлхийтэй ойртох тусам сэтгэл хөдлөөд жаргалын дээдийг мэдрэх шиг болоод байдаг болчихжээ. Аягүй бол нөгөө хадан гэр мэр нь ойртоод хаха за за хадуурлаа.

Сая хэд хоног хээр хонож байгаад ирсэн зургаа та нарт үзүүлэх гээд блог руугаа чихэж сууна.

Сөүлээс ганцхан цаг давхиад Юнин гээд газар нэгэн уулын аманд амьдын жаргал эдэлж байгаад ирлээ. Улирал болгонд нэг очиж амарч жаргаад ирдэг газар маань байгаа юм. Уг нь би зунжингаа Медикал Кула гээд солонгост байдаг банжигчдыг явье гэж уруу татаад нас гүйцээгүй юмөө.Тэр хоёр ч хүүхдийн парк, маруужин энэтэр сонирхоод тоохгүй байлээ. /аягүй ховолсон хэхэ/

Бид нарын байралсан өргөө. Тохилог, дулаахан, идэх юмаа л аваад очиход дотор нь айл шиг бүх юм байдаг.

Энэ манай байр. Нэг байрандаа 4-8 өрөөтэй. Өрөө нь хоногын 150,0 - 350,0 воны үнэтэй.

Ингээд дээшээ 100 метр алхаад жинхэн диваажинд очноо. Нэг иймэрхүү арван хэдэн шавран гэрүүд байгаа. Улаан шавраар барьсан гэсэн. Нөгөө л байгалын цэвэр бүтээгдэхүүн гэж нүүрэндээ маск болгож тавиад байдаг улаан шавар.

Үүдэнд гутлаа тайлж ороод ясныхаа хөлсийг гаргаад... Үнэхээр сувдан хөлс бөнжигнөтөл урсаад л, гэрээс гархаар сэрүү татаж шувууд жиргэн горхи хоржигноод л, ай даа үгээр хэлэхийн аргагүй сайхан.

Энэ газрын хамгийн ид шидтэй нэг зүйл нь "хар мод". Хар модыг түлж, тэр нь энэ улаан шавартай холилдон хүний биед нэвтрэхээр хорт хавдартай хүн хүртэл илааршдаг гэсэн. Ядаргаа энэ тэрийг бол хуу хамаа л хөлстэй нь хамт гаргачихдаг юм байна лээ.

Нөгөө алдарт хар мод. Их илчтэй дулаанаа бараг алдахгүй, шатал удаан, дэндүү тансаг үнэртэй.

Энэ модыг энгийн хэрэглээнд иймэрхүү хэлбэрт оруулан хүмүүс гэр орон компютерын ширээний хажууд тавин хамаг чийг, үнэр, хорыг шингээж авдаг их увидастай эд гэнэ дээ. Ер нь хийхгүй юм байдагүй юм байна лээ дээ. Жижиглээд дэрний уут, орны матрасан дотор, машины сандлын бүрээс гээд л. Ямартай ч дэрлэж унтвал толгой огт өвдөдгүй гэхээр нь нэг жижиг дэр худалдаж авсан.

Галын дөл харж нилээн суусоон.

Эхний өдрийн орой гахайн мах. Хар модны цогон дээр шарсан гахайн мах бас янзтай. Ингээл мах идэж мангас зүүдлээл...

Хоёр дахь өдрийн орой хорхог. Бид хэдийн дунд хорхог хийх чаддаг нэг ч хүн байдаггүй ээ. Ямар ч байсан нутгаасаа авчирсан нөгөө чулуунуудаа хар модны цог дээр улайстал нь халаагаад мах ногоо чулуу мулуугаа бүгдийг нь холиод ус хийгээд тагалчихсан. Даанч усыг нь жоохон ихдүүлээд нилээн их шөлтэй болчихсоныг эс тооцвол дэндүүү дэндүү.. Бараг цаг гаруй түргэн буцалгагчинд хийгээд гал дээр тавьчихсан болохоор яс нь арай ялз болоогүй. дараагын удаа харин мундаг туршлага суусоон. Бараг би ганцаараа ч хийж чадах байх хэхэ.

Буцах замд намрын ой нэг иймэрхүү үлгэрийн юм шиг. Нам гүм.

Удахгүй нэвсийтэл сайхан цас унахаар нэг явнаа. Намайг даган баясах хүн байвал хэлээрэй. Чирээл явна шүү хэхэ.